بسم الله الحمن الرحيم
مسآكم ....
وصبآحكم...
ورد جوري وياسمين
آمانه ع كل اللي يدخل يرد ...
نبدآ بسم الله
عندي لكم مشكله وابي لها حل ،في عياليتين هم عيال عم وخاله كانوا مثل السمن ع العسل وبعدين قررووا يتناسبون وخطب الولد(راشد) بنت عمه(هديل) وصار الخطبه والملكه وبعدين عارضوا اهل البنت على موعد الزواج بحجه ان البنت صغيره ،وصارت شويت مشاكل بينهم بس خفيفه وبعدين تم الزواج ومن ثم عاشوا الاثنين تقريبامدة 2 شهرين بس وتم تدخل الاهل من اهل البنت طبعا وصارت مشاااكل كبيره انه البنت(هديل) تتهم الخاله انها تعاملها مثل الخدامه وتفتش اغراضها الشخصيه وكل شي والبنت طولت صوتها ع زوجها وامها الا هي خالتها وبعدين خالها في بيت اهلها تقريبا مده شهر ولا هي سالت عنه وبعدين قرر يتزوج(راشد) وتزوج وهي طلقها وبعد ما جاهم الخبر قالوا انها حامل منه ،ومرت الايام (علما بانه الولد اخو البنت(هديل) متزوج اخت الولد(راشد) وقاموا اهل ( هديل) طلبوا من اخوهم(خالد)انه يطلق(منال) وطبعل خالد سمع كلام امها وخواته لانه (خالد)شخصيته ضعيفه عند اهله وبعدين هجموا اهل خالد على بيت منال المسكينه وكسروا كل اغراضها وثيابها حطوهم بكيس زباله وجابوهم بيت اهلها رنوا الجرس ورموا ملابسها عند الباب ومرت الايام وولدت هديل وجابت ولد وراح راشد يشوف ولده للمستشفى وقرر يسميه عزام وهي مو قابله الاسم وسمته ع كيفها اسم نايف عنااد لراشد تقول ماتبيه يسميه ابوه ومرت الايام وكبر عزام وعيال العم في مشاكل دايمه وحتى لو شافوا بعض حتى السلام ما يسلمون ع بعض علما بانه اهل الولد هم حابين ترجع علاقتهم مع بعض وهم شارين عيال عمهم وذاك اليوم قرروا اهل راشد انهم يبدون هم البدايه الافضل وخيرهم من يبدى بالسلام وقرر الاب ابو راشد انه عياله وعيال عياله يرحون بيت عمهم على شان يبدون بالسلام وراحوا لبيت عمهم وصارت الكارثه عيال عمهم اهل هديل طردوهم وقام الضرب على خالتهم وعيال عمهم بالجزم والايادي وخالتهم ام هديل جالسه تشوف وما نهت بناتها بس العم والاولاد تدخلوا في فك الشباك العنيف والله والله اني ما ابالغ في ولا حرف كتبته وهي قصه واقعيه صايره في السعوديه ( بس ابي الحل وش رايكم بالعوايل اللي يتزوجون من قرايبهم صحيح اللي قال انه القرايب عقاارب علما بانه صار لهم اكثر من 11 سنه وهم في مشاكل ولا احد يسلم ع الثاني وش راايكم يا اخواني بها المشكله ابي الكل يعطيني حل )
وهذا هي القصه وتكفوون لاتحرمون من ردودكم
الخميس أكتوبر 01, 2009 10:06 am
